செம்மொழி
'செம்மொழி' (Classical language) என்பது ஒரு மொழியின் இலக்கியப்பழமை அடிப்படையிலும் பிற பண்புத்தகுதிகளின் அடிப்படையிலும் செய்யப்படும் வகைப்பாடு ஆகும். செம்மொழியாக ஒரு மொழியைத்தெரிவு செய்ய அதன் இலக்கியப் படைப்புகள் வளம் மிகுந்ததாகவும் பழமையானதாகவும், அதன் தோன்றல் ஏனைய மொழிகளில் சாராதிருத்தலும் வேண்டும்.
உலகில் எத்தனையோ மொழிகள் பேசப்பட்டு வருகின்றன. இதில் பல மொழிகளுக்கு எழுத்து வடிவங்கள் இல்லை என்பதால் பயன்பாட்டுக்குக் கொண்டு வர முடியாமல் உள்ளன. ஆனால் சில மொழிகள் மிகப் பழமையானதாகவும், இலக்கியத்தில் சிறந்து விளங்குவதாகவும் உள்ளன. இவற்றில் சில மொழிகளை செம்மொழிகள் என்று அடையாளப்படுத்துகின்றனர்.
செம்மொழித் தகுதி
ஒரு மொழிக்கு செம்மொழி என்ற தகுதி அம்மொழியில் இடம் பெற்றிருக்கும் இலக்கியத் தரத்தின் அடிப்படையில்தான் முடிவு செய்யப்படுகிறது. இருப்பினும் செம்மொழிக்கான தகுதிகளாக பதினோரு விதிகள் இருக்கின்றன.
- தொன்மை
- தனித்தன்மை
- பொதுமைப் பண்பு
- நடுவு நிலைமை
- தாய்மைப் பண்பு
- பண்பாட்டுக் கலை அறிவு பட்டறிவு வெளிப்பாடு
- பிற மொழித் தாக்கமில்லா தன்மை
- இலக்கிய வளம்
- உயர் சிந்தனை
- கலை இலக்கியத் தனித்தன்மை
- மொழிக் கோட்பாடு
உலகச் செம்மொழிகள்
இன்று உலகில் செம்மொழிகளாகக் கருதப்படும் மொழிகள் 8ஆக இருக்கின்றன.
- தமிழ் மொழி
- கிரேக்க மொழி
- சமஸ்கிருதம்
- இலத்தீன்
- பாரசீக மொழி
- அரபு மொழி
- எபிரேயம்
- சீன மொழி
No comments:
Post a Comment